Tripura-in Chief Secretary thar nei

Tripura state Chief Sec­retary thar atan senior IAS officer Usurupati Venkate­swarlu chu Thawhṭanni khan ruat a ni.

Usurupati Venkateswarlu hi 1986 batch Tripura-Mani­pur cadre IAS officer a ni a, tunah hian Tripura Governor Additional Chief Secretary dinhmun a chelh mek. 

Chief Secretary thar hian General Administration (confidential & cabinet) leh Planning Department-te a enkawl dawn a ni. Hetihlai hian General Administration (secretariat administration) leh General Administration (political) Deparment Secretary T. K. Chakma chuan Secretary to Governor Kaptan Singh Solanki charge chelh tel tura ruat a ni thung.

Tripura-ah hian Lok Sabha inthlan result puan a nih hnu aṭang khan sorkar hnathawkte siksawi an ni nasa hle a, Chief Secretary ni lai Lalit Kumar Gupta, IAS, IPS leh Tripura Civil Service officer eng emaw zatte chu transfer an lo ni tawh bawk.

Tripura Director General of Police Akhil Kumar Shukla pawh June 1 aṭang khan chhan leh vang hriat lohin leave pek a ni bawk a ni. 



Share this Post

Login to comment
No Comments