Tripura: Politics buaina chhuak enfiah tur panel din

Tripura-a BJP-IPFT kaihhruai sorkar chuan state chhunga politics vanga buaina chhuak thubuai zawng zawng enfiah turin thutlukna an siam a, heng buaina chhuaka thi chhungten an chhungte thih dan chhui chian an beisei avangin he thutlukna hi an siam nia tarlan a ni.

Thubuai chhui hna kalpui tur hian member pathum awmna panel an din bawk a, Law Minister Ratan Lal Nath chuan panel hi a kaihruai dawn a ni. Panel hian chhuichianna hi an zawh huna sorkar hnenah an duhdante an thlen dawn tih sorkar thuchhuah chuan a tarlang.

Ratan Lal Nath bakah hian Law Department Principal Secretary DM Jamatia leh Home department Additional Secretary Devananda Reang-te chu committee member an ni bawk a, Devananda Reang hi convener atan ruat a ni.

Hetihlai hian CPI(M) chuan thuchhuah an siamah BJP kaihhruai panel chuan an party member-te an tiduhdah mai dawn tih sawiin, buaina chhuah dan tak tak an zirchiang dawn lo tih an sawi thung.

Chief Minister Biplab Kumar Deb chuan party zawng zawng chu politics avanga buaina chhuak 

ṭhin titawp turin a ngen a, an sorkar chuan politics-ah eng party nge an awn tih lam ngaihtuah loin buaina chawk chhuaktute lakah chuan hremna an lekkhawh dawn tih a sawi. 

March thlaa ECI-in Lok Sabha inthlan neih hun tur a puan hnu 

aṭang khan politics vanga buiana chhuak thubuai 186 ziahluh a ni tawh tih a sawi a, CPI(M) sorkar lai, 2013 leh 2018 state inthlan vuak vetah khan thubuai 245 leh 439 ziahluh a ni thung tih a sawi a ni. 



Share this Post

Login to comment
No Comments