Nagaland BJP-in Naga talk kalpui thuai turin Centre beisei

Nagaland BJP chuan sorkar laipuiin hmarchhak mipuite nihphung leh duhdan an venhim an beisei thu sawiin, a bik takin Nagaland chu an ngaihpawimawh hmasak an beisei tih an tarlang.

Deputy chief minister leh state BJP hruaitu Y Patton te kaihhruaina hnuaiah Naga politics buaina chinfelna atana inbiakna chu sorkar laipui chuan an kalpui thuai an beisei tih sawiin, inremna pawmawm tak leh zahawm tak an siam ngei an beisei tih an sawi a ni.

BJP chuan Prime Minister Narendra Modi hmathlir, ‘Sabka Sath Sabka Vikas, Sabka Vishwas’ chu thuamchak lehzual a ni dawn tih sawiin, hmasawnna tur project tam zawk Nagaland chuan an kalpui dawn tih an sawi bawk.

Dy. CM Office pawhin thu­chhuah an siamah Modi leh a team tharte chu an lawmpui tih an sawi a, a union minister zingah hmar­chhak MP pahnih an tel chu lawmawm an tih thu an sawi bawk. 



Share this Post

Login to comment
No Comments