Nagaland Congress in inthlan ṭhat ngiat Dy CM Y Patton lakah complaint thehlut

Nagaland Pradesh Congress Committee (NPCC) chuan Election Commission of India (ECI) leh state chief electoral officer (CEO) hnenah complaint thehlutin deputy chief minister Y Patton chu model code of conduct palzutah an puh.

Congress hian Wokha district-a 37 Tuyi Assembly Constituency hnuaia polling station (PS) no. 31-ah inthlan ṭhat an ngiat bawk.

NPCC communication cell chuan Patton chu 37 Tuyi Assembly Constituency hnuaia polling station (PS) no. 31, Riphyim Old-III polling station -ah langsar taka BJP scarf tarlangin a campaign tih an sawi a, hei hi inthlan nia dan phal bak thil a nih thu leh model code of conduct bawhchhiatna a nih thu an sawi bawk a ni. 

Hei bakah hian Patton

 chu polling station-ah voter slip pariat vel nen a lut lai leh EVM lam a pan lai camera in a la fuh niin an sawi bawk.

NPP chuan Patton thil tih dan chu an dem thu sawiin, home minister office pawh a tizahawm lo hle tih an sawi.

Chief electoral officer (CEO) Abhijit Sinha pawhin complaint chu an dawng ngei tih sawiin presiding officer-te hnen aṭanga report an dawn hunah an enfiah dawn tih a sawi. CEO chuan BJP scarf nena polling station luh chu model code of conduct bawhchhiatna a nih ngei thu sawiin hemi chungchangah hian DEO chuan thuchhuah a la siam dawn tih sawi bawk.



Share this Post

Login to comment
No Comments