Hmeichhia chawimawia an awmna apiangah pathian a awm: Tripura CM

Tripura Chief Minister Biplab Kumar Deb chuan Thawhlehni khan nu te zah an pawimawh thu a sawi a, ramchhunga cheng mipui ten an nu te an zah phawt chuan India ram chu khawvela ram ṭha ber a ni thei dawn a ni, a ti.

Gender sensitisation seminar-a thu a sawinaah Deb chuan hmeichhia te chawimawia an awmna apiangah pathian a awm thu a sawi. Nu te zah an nihna ram apiang chu khawvela ram ṭha ber te an nih thu a sawi bawk.

CM chuan Prime Minister Narendra Modi chu hmeichhe dinhmun a ngaih pawimawh avangin a chhuan thu a sawi a, cabinet-a hmeichhe pahnih Sushma Swaraj leh Nirmala Sitharaman-i te a dah avangin fakawm a tih thu a sawi.

CM Deb chuan Ujjala Yojana hnuaiah nu rethei-te tan gas connection nuai khat chuang an pekchhuah dawn thu a sawi bawk. Tripura police-te pawh mipui te tana thawhpui nuam taka siam an tum thu a sawi a, dan leh thupek chak taka kenkawh chu an thiltum pawimawh tak zinga mi a nih thu a sawi bawk.

Deb chuan police-te chuan thingtlang khaw hrang hrang an tlawh dawn thu sawiin, dan leh thupek chak taka lekkawh an tum thu leh hmeichhe laka pawikhawihna thleng chu tihreh zel an tum thu a sawi a ni.



Share this Post

Login to comment
No Comments