Manipur: Hna ngheh loh vangin Doctor-te nuar

Manipur state khawpui Imphal-a Jawaharlal Nehru Institute of Medical Sciences (JNIMS)-a thawk Senior resident doctor-te chuan an hna tihngheh an nih loh avangin Thawhṭanni khan a huhoin leave an la.

Senior resident doctor Brojen chuan hnaa lut tharte duhsak an nih zawk thu a sawi a, senior resident doctor-te, hun rei zawk damdawi-ina thawk tawh zawkte chu duhsak an ni lo zawk tih a sawi.

He an kalphung hi medical institution dang nen chuan a inang lo hle tih a sawi a, hmundangah chuan a thawk senior tawh zawk te duhsak an nih ṭhin thu a sawi bawk.

Damdawi-in Director Th Bhimo erawh chuan doctor senior ten a ruala chawlh an lak chuan nghawng a nei nasa lutuk lo niin a sawi a, senior resident doctor-te chet dan chu a beisei loh thil a nih thu sawiin, dam lo te an ngaihsak lohzia lantirna a nih thu a sawi.

Director chuan stakeholder-te nen pawh buaina chinfelna kawng an zawn mek thu a sawi a, senior resident doctor-te thawhpuina pawh a ngen nghal bawk a  ni.



Share this Post

Login to comment
No Comments