NRC coordinator & registrar-te media an thusawi vangin SC in khak

Supreme Court chuan Thawhlehni khan National Register of Citizens (NRC) Assam’s state coordinator, Prateek Hajela leh Registrar General, Sailash-te chu NRC draft final dan tur chungchang media hmaa an sawichhuah avangin na takin a khak.

Justices Ranjan Gogoi leh R F Nariman-te kaihhruai bench chuan  Prateek Hajela leh registrar Shailesh-te hi an khak a ni.

SC chuan NRC final hna chu thawk ṭan tura hriattirin, SC phalna lo chuan media hmaah NRC chungchang sawichhuak tawh lo turin a hriattir. SC in officer a ruatchhuah ten engtin nge SC pawmpuina ni lo thu an sawichhuah theih? tiin an sawi hial a ni.

Bench chuan, "Press hmaa kala mi thil hrilhfiah vel chu in hna a ni lo. Court officer in ni a NRC buatsaihna tur hna pek in ni. Hna thawh tur tam tak in la nei a ni" tiin  NRC coordinator & registrar-te chu an hrilh.

Prateek Hajela hian Pathianni khan ANI hnenah thil tam tak a sawi bakah NRC draft list-a tel lo te chuan foreign tribunal hnenha appeal theihna turin dikna chanvo te an neih thu a sawi.

Prateek Hajela leh Shailesh-te chu Apex court chuan  ṭawngkam fimkhur hle turin an ti a, thudang sawi tam lo turin an hriattir bawk.



Share this Post

Login to comment
No Comments