Vawiin-ah Manipur CM-in floor test hmachawn dawn

Manipur Chief Minister thar N Biren Singh chuan vawiin hian House-ah thlawptu a ngah tawk em tih fiahna, floor test a hmachhawn dawn. 

Manipur BJP MLA 17-te chuan kar kalta Ningani khan Guwahati an pan a, Independent leh Trinamool Congress MLA-te pawhin an zui a ni. Assam CM Sarbananda Sonowal chuan MLA-te hi a lo dawngsawng a, fiahna an paltlang theih ngei a beisei thu a sawi. MLA-te hi nimin khan Manipura-ah an let a ni. BJP MLA Thokchom Radheshyam Singh chuan, "CM Biren-a'n thlawptu a ngah tawk em tih House-ah fiah a ni dawn a, fiahna a paltlang ngei kan ring a, hlauhthawnna tur a awm lo" a ti. Assam-ah hahchawlhna hun ṭha tak an hman thu sawiin, BJP kaihhruai sorkar thlawptute chuan Chief Minister an phatsan a rinawm loh a ti. 

Hetih lai hian BJP MLA V Hangkhanlian chu Governor Najma Heptulla chuan assembly speaker lailawk atan a ruat a, vawiina House-a floor test neih tur a kaihruai ang. Hangkhanlian hi Churachandpur constituency aṭanga thlan tlin a ni.


Share this Post

Login to comment
No Comments