Bangaluru-ah hmarchhak miin diriam a tawk

Arunachal Pradesh mi Khuadun Khangham (25) chu tun hnai khan vun rawng vanga diriamna tawkin kut thlak a ni a, Bengaluru hospital-ah dahluh a ni. 

Khangham hi Bengaluru-ah hnathawka awm a ni a, January 7 khan mi tu tih hriat loh ten vun rawng avanga hmusitna lantirin, a chuanna lirthei aṭangin an paihchhuak a ni. Amah hi Aruanchal-a Longding district a mi a ni. He thil thleng hi Arunachal Pradesh MLA Gabriel Denwang Wangsu chuan a dem thu sawiin, hmarchhak mite chunga hleihlenna a thleng ṭhin chu pawi a tih thu a sawi. 

MLA Denwang Wangsu chuan, he thil thleng a hriat ve leh Delhi Police IGP Robin Hibu a hriattir nghal thu sawiin, Karnataka police-te pawh a biak pawh nghal thu a sawi. He thil thleng chungchangah hian thubuai ziahluh nghal a ni a, Karnataka police-te chuan an chhui zui nghal a, CCTV footage endik a ni bawk. 

He thil thleng hi Karnataka DGP Sandeep Goel pawh hriattir a ni tawh tih tarlan a ni.


Share this Post

Login to comment
No Comments