Assam : District 35-ah guardian minister 16 dah

Assam sorkar chuan Pathianni khan district 35 huam chhunga cabinet minister 16-te chu guardian district mawhphurhna pein, inrelbawlna kalpui dan enkawl, hmasawnna kawnga hmalakna enfiah leh, district thuneitute nen thawh hona ngelnghet nei tura tih an ni.

Chief minister Himanta Biswa Sarma chuan he ruahmanna hi social media post kaltlangin a puang a, state hmun hrang hranga fur ruahtui tlak tam avanga tuilian dinhmun thlirin he mawhphurhna hi ngaih pawimawh hmasak a nih tur thu a sawi. Sarma chuan ruahmanna an siam chu a rintawk thu leh, minister-ten district thuneitute nen he hmalakna hi an kalpui dawn tih a sawi.

Ruahmanna an siamah hian Rameswar Teli chu Tinsukia leh Jorhat-ah dah niin, Atul Bora chuan Kamrup (Metro) leh Dhemaji a enkawl dawn a, Charan Boro chuan Kokrajhar, Baksa leh Chirang a enkawl dawn a; Ajanta Neog chuan Morigaon leh Kamrup; Ashwini Ray Sarkar chuan Bongaigaon leh Barpeta; Ashok Singhal chuan Darrang leh Dhubri-te enkawl dawn a ni.

Bimal Bora chu Sivasagar leh Charaideo a enkawl dawn a, Biswajit Daimary chuan Nalbari leh Sonitpur; Jayanta Malla Baruah-a'n Tamulpur leh Goalpara; Kaushik Rai-a'n Sribhumi leh Hailakandi; Keshab Mahanta-a'n South Salmara-Mankachar leh Lakhimpur; Krishnendu Paul-a'n Dima leh Cachar-te a enkawl bawk dawn a, Nilamoni Sen Deka chu Bajali leh Udalguri enkawl tura tih niin, Pijush Hazarika chu Nagaon, Hojai, Karbi Anglong leh West Karbi Anglong; Ranoj Pegu chu Biswanath leh Golaghat: Sushanta Borgohain chu Majuli leh Dibrugarh-te enkawl tir a ni bawk.