Amit Shah-a'n Meghalaya leh Tripura-ah smart border system facility hawng dawn

Union home minister Amit Shah chuan vawiin, June 9 hian New Delhi-ah Land Port Management System (LPMS) a tlangzarh dawn a, hei hi India ramri infrastructure digital hmanga kalpuina leh, ramri kaltlanga insumdawn tawnna leh passenger-te veivahna tihchangtlunna tur a ni. Hemi rual hian Meghalaya-a Dawki Land Port leh Tripura-a Srimantapur Land Port-a stakeholder-te chenna tur hmun siam tharte a hawng bawk ang.

Technology hmanga siam platform hi ram pum land port-a hnathawhna tihchangtlunna tura duan niin, cargo, passenger leh regulatory process-te digital system pakhata dahkhawm a ni ang. He hmalakna hi sorkar laipuiin ramri enkawlna rintlak, venhimna tihchangtlun leh sumdawnna awlsam zawka kalpui theihna tura a hmalakna a ni.

LPMS hi unified digital platform angin a thawk dawn a, sorkar agency leh private operator-te inkarah thawh hona ṭha zawk a siam dawn a ni. Official-te chuan he system hi langtlang zawka kalpui a nih theihna turin leh airport leh seaport-a digital standard awm sate nena inmil tura land port siam tum a nih thu an sawi. Platform hian cargo leh passenger-te veivahna kawngah digital hmangin a pui dawn a, chung zingah chuan slot booking, tracking leh single-window clearance-te pawh an tel. ICEGATE, Unified Logistics Interface Platform (ULIp) leh motor vehicle ecosystem hmalaknaa kalpui a ni bawk.