Manipur: CMUC-in Governor hmu

Manipur-a Churachandpur Meitei United Committee (CMUC) aiawhte chuan Churachandpur aṭanga Meitei mipui, tualchhung buaina avanga an chenna in leh lo chhuahsante aiawhin Manipur governor Ajay Kumar Bhalla an hmu. March 13 leh April 21-a memorandum an thehluha an thil phutte ngaihtuahsak an la nih loh chungchangah a rang lama hma la turin an ngen.

Meeting-ah hian CMUC chuan Meitei chhungkua, chenna in leh lo chhuahsante harsatna tawh sawilan niin, an rawtna thehluhte tun thlenga ngaihven a la hlawh loh chungchang an sawi bawk. An ngenna siam zingah hian chenna in chhuahsan zirlaite tana zirna pek, relief camp-a a inenkawl theihna tur siamsak, insawnchhuahna tur ruahman sak, an eizawnna leh chenna lailawk tur ruahmansak te ta tel. An thu thlente chu Governor chuan lo ngaihthlak sakin, an thil phutte pawh ni thum chhunga ngaihtuahsak an nih tur thu a lo hrilh.

Governor chhanna avanga an lawmthu sawiin, CMUC hruaitute chuan an hmalakna an thlithlai reng dawn tih an sawi a, hun tiam chhunga tih hlawhtlin a nih loh chuan relief camp-a awm ten nawrh an huaihawt tur thu an tarlang. CMUC chuan Governor chu a thu tiama ding tura ngenin, Meitei chhungkua harsatna tawk mekte chhawmdawl an nih thuai an beisei thu an sawi.