Meghalaya tan open market aṭanga Rs vbc 194 puk phalsak

Covid-19 hri leng avanga sum leh pai lama harsatna an tawh mek sutkianna kawng khat atan sorkar laipui chuan Meghalaya state chu open market aṭangin cheng vaibelchhe 194 a puk a phalsak. 

Ministry of finance chuan open market kaltlangin state 20-te chu sum an puk belh phalsakin, a phalsak zat hi cheng vaibelchhe 68,825 a tling a ni. State-te hnenah hian Gross State Domestic Product (GSDP) aṭanga 0.50% rate in  sum puk belh hi a phalsak. 

Meghalaya deputy chief minister Prestone Tysong chuan an state-a Covid-19 leng dona atan state sorkarin cheng vaibelchhe 399 a hman  thu a lo sawi tawh a, state cabinet-a BJP member awmchhun, health minister AL Hek chuan Prime Minister Office-ah hripui leng mek dona tura sum pek belh turin ngenna a thlen tawh bawk. 



Share this Post

Login to comment
No Comments