Sikkim Congress president-in banna a thehlut

Sikkim Pradesh Congress Committee (SPCC) president Bharat Basnet chuan central lama an party hotuten SPCC berawn loa party state incharge tana  Kuljit Singh Nagra an ruat chungchangah lungawi loin, state president a nihna aṭanga banna a thehlut. 

Basnet hi a banna lehkha hi Delhi-a All India Congress Committee (AICC) hnenah a thawn a ni. 

Banna lehkha a thehluhah hian, AICC-in Sikkim-a party incharge atana Kuljit Singh Nagra a ruat dawn hian state committee thurawn vawi khat pawh a la lo tih sawiin, state committee leh tualchhung mipuite duhdan an ngaih pawimawh sak lo nia a ngaih thu a sawi. Hetianga central lam hotute thutlukna an siam mai hian an rilru a ti na hle tih a sawi bawk. 

Basnet hi kum 2015, October 2 khan SPCC President atan ruat a ni a, a term hnihna a hmang mek a ni. 



Share this Post

Login to comment
No Comments