Sum tichingpena puh Tripura minister hlui man Damdawi-inah dah lut nghal

Tripura PWD minister hlui, PWD project sum cheng vaibelchhe 600 tihchingpennaa inhnamhnawiha puha, Badal Chowdhury chu Thawhṭanni khan Agartala damdawiinah kalpui a nih laiin man a ni a, damdawiina-ah hian dahlut zui nghal a ni. 

Kar kalta khan Chowdhury-a'n anticipatory bail a dilna chu court-in a hnawlsak a, hemi hnu hian police-ten man tumin zawng mah se a bibo zui nghal a ni. Ni ruk chhung zet police-te hian an zawng a, an man theih loh avangin BJP kaihhruai sorkar chuan police eng emaw zat a suspend phah a, an zingah hian SP pawh a tel a ni. 

Thawhṭanni khan Badal Chow­dhury hi a nupui leh a fanuin ILS hospital-ah an hruai a, hei hi police-ten an lo man zui nghal a ni. Man a ni hnuah damdawiinah hian dah a ni a, intense care unit (ICU) ah enkawl nghal a ni. 

Nimin khan CPI hruaitute chuan Chowdhury hi an kan nghal a, an zingah hian chief minister hlui Manik Sarkar leh eptu  hruaitu Manik Sarkar pawh an tel. Chowdhury hi a dinhmun a ṭha lo hle niin hospital thuneitute chuan an sawi. 



Share this Post

Login to comment
No Comments