Imphal-ah in chhawng sarih thleng sak phal

Manipur sorkar chuan Imphal Municipal Corporation (IMC)  huam chhungah in, chhawng sarih thlenga sanga sak a phal. Hemi hma hian municipal area-ah hian chhawng thum chin chauh sak phal a ni ṭhin. 

Municipal Administration, Hou­sing and Urban Development Minister Th Shyamkumar chuan expert leh architect-te an rawn kual hnuah he thutlukna hi an siam tih a sawi. In chhawng sarih chin sak phal a ni a, mahse hemi atan hian thuneitute hnen aṭangin phalna an la hmasa phawt tur a ni, a ti. 

IMC hian Imphal East leh West district, square km 34.48 a huam a ni. 

Syamkumar chuan a hmaa chhawng thum chin chauh sak phalna chuan ram, thlai chinna ramte  insakna atan hman a nih nasat phah tih a sawi. Hei vang hian mithiamte rawnin an ngaihtuah 

ṭha leh tih a sawi. Manipur chu lirnghin duhna hmuna awm a nih vangin, in satute pawh in sak dawnin a himna lamte ngai pawimawh a, lirnghing laka him tur leh, in sak chungchanga sorkar dan siamte zawm turin a chah. Nikum chhung khan Manipur-ah hian ṭum 32 zet lir a nghing a ni. 



Share this Post

Login to comment
No Comments