Sikkim expedidtion route hawng

Union home ministry chuan Sikkim lam aṭanga khawvela tlang sang pathum­na, Kanchengjungha (8586 m) leh tlang dang 137  lawnna tur kawng a hawng. 

Sikkim sorkar hian kum 2001 khan an state aṭanga Kanchengjungha tlang lawn hi a lo khap tawh a ni. 

Expedition route hmang tur hian Indian leh foreigner te chuan Indian Mountaineering Foundation (IMF) hnen 

aṭangin phalna an la thei dawn a ni. A hma chuan sorkar laipui phalna lak tel a ngai ṭhin a, mahse tunah chuan IMF hnen aṭang chauhin lak a ngai tawh ang. 

Ministry-in tlang lawn a phalsak zinga 12, (Kan­chenjungha tel hian) te hi Sikkim mipui tam zawk, a bikin Lepcha leh Bhutia hnamte chuan hmun thiang­hlimah an ngai. Heng tlangte hi Places of Worship (Special Provisions) Act, 1991 hnuai­ah sacred place-ah puan niin humhalh an ni. Hei vang hian mi tam tak chuan sorkar laipui chu thil lian tak tisualah an ngai. Hemi chungchang hi ministry sawipui turin state sorkar pawh an phut bawk. 



Share this Post

Login to comment
No Comments