Hektu 12 kha in la dam em?

Pu Lalduhoma chu eiruka puh ni lo, sorkar dan bawhchhiaa puh pawh ni lo, "A ZPM lutuk" tia puhtu MLA fel leh thianghlim tak tak mi 12 kha in la dam tlang em aw? Kum 2023 inthlante hi chuh ve in la tum em? Pu Duhoma in hekna aia nasa khan Independent MLA dangte hi an ZPM ta lutuk a, in hek ngam tawh lo a nih chuan MLA pawh hi chuh ngam tur in ni tawh lo e.

Pu Duhoma hektu MLA 12-te hi Pu H Lalzirliana, Mamit; Pu Lalrinsanga, Serpui; Pu C Lalmuanpuia, Aizawl North 3; Dr K Pachhunga, Lunglei South; Pu Ramthanmawia, East Tuipui; Pu Zothantluanga, Aizawl West 1; Prof F Lalnunmawia, Aizawl South 3, Pu L Thangmawia, Lengteng; Dr ZR Thiamsanga, Champhai North; Pu H Biakzauva, Lawngtlai East; Dr Vanlalṭanpuia, Lunglei North; Pu Lawmawma Tochhawng, Lunglei East te an ni.

Pu Duhoma an hek chhan kha kan la theihnghilh thei lo. Independent MLA a ni a, ZPM Party mi leh sa angin a khawsa, ZPM Office ah thu a sawi, dan a bawhchhia an ti. Pu Duhoma ang chiah hian ZPM mi, Independent-a thlan tlinte pawh an awm ve tho, MLA aṭanga paih turin an hek ve lo. Pu Duhoma hektu MLA 12-te hian tun thleng hian Pu Duhoma an hek lai aia nasaa ZPM tana inhmang, Independent MLA dangte hi an la hek leh miah lo.

MNF MLA 12 te hian mahni MLA pui hi an hek hreh lo. Heng MLA 12 te hian kum lamah pawh an u rual leh politics-ah phei chuan an pu tur hial hi an hek chhan chu kan hre ṭheuh a ni. Mahni duh zawnga awm ngam lo 'NO' pawh ti ngam lo hmuhin kan hmu tawh laklawh. Hektu 12 te kha MLA chuh hi an la tum em? tiin Mizo ṭhalaite hian zawhna an zawt mek a ni.

- Reuben L Khawlhring