Elija leh Baala puithiamho
1 Lalte 18:1 chunga a heading (thupui) ‘Elija leh Baala Puithiamho’ tih hi a dik lo va, ‘Elija leh Baal Zawlneite’ tih zawk tur ni awm tak a ni. A chhan chu, 1 Lalte bung 18 pumpuiah hian Baal puithiamho tih a lang lo. Baal zawlneite erawh 450 lai 18:19, 22, 25, 40-ah te kan hmu.
Hemi heading-in pawi a khawih thuizia chu ziakmite’n lehkhabu hrang hrangah an lo copy sual a, chu chuan pawi thui tak a sawi ta niin a lang; chu chu ka rawn sawi tum ber pawh a ni. Tute emaw tihmualpho tumna ni lovin, he heading tawitêin a ṭha lo zawnga pawi khawih hi pawi ka ti a, ziakmi tam takin an lo copy si a, a pawi thui ta a ni.
Lehkhabu hrang hranga Elija leh Baala puithiamte kan hmuhna:
I. Kum 2023 Puitling Sunday School zirlaibu ‘Kristiante rinna vawnhim’ ziaktu: Rev. Rosiamliana Tochhawng p-26 2nd para ‘Baal Puithiamho a cho ta a.’
II. Mizo Study Bible (Bible leh a chhuizauna) p1292 Mal 3: Hrilhfiahna “Elija hian Baal puithiamte chu tu pathian nge chak zawk tih fiah turin a cho va.”
III. Zoṭawng Bible Dictionary Revd. Chuauthuama p250 ‘Elija’ tihah hian, “Elija leh Baal puithiamte chu Karmel tlangah tu Pathian nge...?“ Baal puithiamte chu a that chiam a.
IV. Mizo Bible Thuthlunghlui Hrilhfiahna Vol-2 second edition. Rev. Dr. Vanlalauva chanpuala ni awm e.
P460 hrilhfiahna “Baal puithiam zali sawmnga rualte chu... Baal puithiamte chu Karmel tlanga pungkhawm turin...”
P461 “Baal puithiamte a ko khawm hi...”
P462 Baal puithiamte chu Elija hovin Karmel tlangah an pungkhawm ta a, “Baal puithiam zali sawmnga rualte chu an man a. Baal puithiamte leh Elija inelnaa an hnehna lanna tur chu... “Baal puithiamten Baal pathiante an au va... Baal puithiamte ṭawngṭaina hla... maichama... Baal puithiamten an pathian au mah se…
P463 Baal puithiam a punkhawmtirte... “Baal puithiamte leh Ahaba a hmachhawn dante.
P-464 “Baal puithiamte nen an inelnaah... “Baal puithiam zali lehthar sawmnga thah an nih thu. “Baal puithiam an thah tak dan zawng zawng pawh “Baal puithiamte chanchin pawh Jezebeli hnenah hian...”
V. Mizo Bible Zirna (Mizo Study Bible) Thuthlunghlui leh Thuthlung Thar SL&PB 2021. p- 640 18:27 hrilhfiahna, “Elija hian Baal puithiamte chu a ṭawng el khum a.”
VI. ‘Pathian zawlnei ropuite’ ziaktu Lalfakawmi p-47
A. Vawi khat chu Baala puithiamte ka cho va.
B. “Tunah hian Baala puithiamte ko khawm rawh u,” ka ti a.
C. Baal puithiam, hmun hrang hranga awmte chu a kokhawm vek a.
Puithiam 450 lai an lo kal a.
P-48 Baala puithiamte chuan an han ti hmasa a.
P-50 Baala puithiamte hi man ula… Baala puithiam zawng zawngte chu an tihlum ta vek a.
P-51 Baala puithiamte nen kan intihsiak hnu daihah chuan,...
‘Matana’ lo hi Baala puithiam dang Bible-ah hian an lang lo em maw ni le?
2 Lal 11: 18 “Baala puithiam Matana pawh maicham bulah an that a.”
2 Chro 23:17 “Baala puithiam Matana chu maicham bulah an that a.”
2 Lal 10:19 “Baala zawlneiho zawng zawngte a betu zawng zawng leh a puithiam zawng zawngte ka hnenah hian han kokhawm teh u.”
Keia lehkhabu kawl ve chhun tlemteah pawh heti zat hmuh tur a awm si chuan, ka neih ve loh lehkhabu hrang hrangah pawh ziakmiten hetiang hian an lo ziak nual awm si a, a va pawi dawn ve aw ka ti vawng vawng mai. Tu mawh nge ni ta ang? Bible Society lam mawhphurhna nge, Bible letlingtute mawhphurhna?
Engpawhnise, thuneitute’n a rang lama bawhzui vat a, siamṭhat vat chi a va ni em! Hemi heading tawite lo hi chu han mawhpuh tur a awm awm si lo.
- J. Lianzuala, Ph : 9862958600