PS-te lirthei kawl a hlui tawh - Home Minister

Home minister Lalchamliana chuan MNF member Ramthanmawia zawhna kal zelah, police station (PS)-te lirthei kawlte chu a hlui tawh hlawm niin a sawi.

Lalchamliana chuan, tun dinhmunah PS pangngai 38 leh cyber crime, ACB, etc. nen PS 41 a awm thu a sawi a, "Tunah hian hmun 4/5 vel aṭangin PS dah tura ngenna kan dawng. PS dah dawn hian sum leh pai tam tak a ngai a, duhna zawng zawngah dah theih nghal ka ring lo a, kan bei zel ang. PS-te hian Gypsy hlui tawh, ṭha tawh lo tak tak an kawl a, lirthei ṭha zawk an kawl theih dan tur rilruah a awm," a ti.

Home Minister chuan, Dungtlang Police Outpost chu police station puitlinga hlânkai tumna a awm thu sawiin, tihpui­tlin theih hun tur erawh hriat a la nih loh thu Assembly House a hrilh.



Share this Post

Login to comment
No Comments