Champhai - Seling kawng laih zauh tum

PWD changtu chief minister Zoramthanga chuan MNF member Dr ZR Thiamsanga zawhna chhangin, Champhai-Seling kawng chu double lane-a laih zauh tum a nih thu House a hrilh.     

CM Zoramthanga chuan, Seling-Champhai inkar kawng double lane-a siam turin 'Feasibility study and preparation of DPR for double laning of Champhai - Seling Road' chu Ministry of Road Transport & Highway-ah thehluh a nih tawh thu a sawi a, "Kawng hi ṭha taka siam turin theihtawp chhuah mek a ni," a ti.

ZPM member Vanlalhlana zawhna chhangin Chief Minister chuan, Durtlang-Sihphir kawng siamṭha turin theihtawp chhuah a nih thu a sawi a, "Delhi lamin kawng concrete pavement-a siamna atan a thuphungin cheng vbc. 55 an pawh tawh a, DPR-te siam a ni ang," a ti a, ṭhál awm leh turah kawng chu siam hman ngei tum a nih thu a sawi.

Zoramthanga chuan, Ṭhuampui-Selesih kawng pawh siam a ni dawn tih sawiin, "Sum awm ang ang dap khawmin kawng siamna tur hi dah a ni tawh. Theihtawpa chaka siam tum a ni," a ti.

ZPM member Lalduhoma'n New Serchhipa PWD hmun SE awmna tura tihah SE awm loin, Aizawl aṭangin JE-in an vil thu a sawi chunchangah Chief Minister chuan, SE ngeiin a ṭhutchilh theihna atana hma an lak tur thu Assembly House a hrilh a ni.



Share this Post

Login to comment
No Comments