Hna la thawh zawh loh zawh tawh angin report

Comptroller and Auditor General of India (CAG) Report thar ber, Finance department changtu chief minister Zoramthanga'n March 13, 2019-a a tlangzarh taka tarlan danin, cheng vbc. 5.54 hû project - Mat MIP chu thawh zawh a la ni lo a, mahse, thawh zawh tawh anga report a ni.

CAG tarlan danin, Mat MIP atan sorkar laipui chuan cheng vbc. 5.54 rua­hman a, March 2011-ah sum pek chhuah a ni. Sum hi lo neitu mi 44-in an enkawl ram hectare 210-a zaua tui an lâkna tura tih a ni a; first instalment pek chhuah a nih aṭanga kum hnih chhunga zawh tura tih niin, zawh hun tur chu March 2013 a ni.

Project hi thawh zawh a nih tawh thu, Irrigation and Water Resources department (IWRD) chuan Februay 2013 khan sorkar laipuiah an report a; chutih laiin, May 2017-a joint veri­fication neia endik a nih ṭumin, project chu thawh zawh a la ni lo tih hmuh chhuah a ni thung. 

Project hi department works anga kalpui a ni niin, contractor pathum rawih a ni a; sorkar laipui chuan first instal­ment March 2011-ah an pe chhuak a ni. 



Share this Post

Login to comment
No Comments