Joint NGO-in TDS sût an phût Sût loh chuan SBI dan an tum

NGO Coordination Committee (Joint NGO) chuan thuchhuah siamin, tun hnaia State Bank of India (SBI) thuchhuak anga chhiah - Tax Deduc­tion at Source (TDS), bank deposit interest 

aṭanga lâk tura tih a ni chu ṭha lo an tih thu an tarlang. TDS chu March 20, 2019 hmaa sût a nih loh chuan, SBI office-te dan tum a nih thu an puang.

Joint NGO chuan, "Dan­in Scheduled Tribe, specified area-a cheng­te ngaihnathiamna (exemption) a pek lai a, tihluihna hmanga Mizorama chêng Mizote bank deposit interest aṭanga income tax laksak tum kan ni hi hriatthiam har kan ti a, Mizote nihna dik tak ST hnualsuatna lian tak niin kan ngai a, he thil hi rang taka sût leh turin SBI thuneitute kan ngen a ni," an ti.

NGO Coordination Committee chuan, TDS chu March 20, 2019 ral hmaa sût a nih loh chuan, Mizoram pumah SBI office zawng zawng hna thawk thei loa dan an tum thu an tarlang a; chutiang tur chuan Joint NGO-a tel pawl hrang hrangte lo inring lâwk turin an chah a ni. 



Share this Post

Login to comment
No Comments