House-ah F Manghnuna an sûn

Nimin khan Assembly session-ah MLA hlui F Manghnuna, January 19, 2019-a thi sûnna hun hman a ni a; House leader Zoramthanga'n F Manghnuna chanchin a sawi. 

Chief Minister-in F Mangnuna chanchin leh uina thu a sawi hnuah ZPM group leader Lalduhoma, Lawngtlai East bialtu MLA KT Rokhaw leh Palak bialtu MLA-te'n uina thu an sawi ve bawk a; chumi hnauh Speaker Lal­rin­liana Sailo kaihhruainain House member-te chu ngawi rengin minute khat chhung an ding a ni.

F Manghnuna hi July 7, 1938-ah Saikah khuaah a piang a, kum 1969-ah sorkar hna bânsanin politics-ah a lut. Lai Autonomous District Council (LADC)-ah ṭum nga MDC atana thlan tlin a ni a, ṭum li chief executive member niin, ṭum khat chairman a ni bawk. Kum 1987 khan Congress ticket-in Lawng­tlai bialah MLA atan thlan tlin a ni a, MIFCO chairman atan ruat a ni. 



Share this Post

Login to comment
No Comments