Damdawi-inte inelna lawmman sem

Damdawi-in faina lam leh hmasawnna lama an inelna, Kayakalp Award Ceremony 2018-19 chu January 8, 2019 tlai khan Aizawl Civil Hospital conference hall-ah sem a ni a, lawmmante hi minister Dr K Beichhua-a'n a sem.

Dr K Beichhua chuan, Kayakalp chu insiam tharna a nih thu sawiin, "Mizoram pawhin a hlâwkpui a, thianghlimna ngaisang leh duh kan nih avangin Kayakalp hi Mizoram aṭanga chhuak ni awm hial a ni zawk. Kayakalp hi India ram chhunga mipuiin damdawi-in tam zawk an pan theihna tur te, sum sên a tlem zawk theihna tur te, a thianghlim zawkna tura ruahmanna leh hmalakna a ni," a ti.

Kayakalp hnuaia lawmman dawngtute chu - Most Improved District Hospital Award chu Siaha District Hospital a ni a; Most Beautiful Hospital Award chu Lawngtlai District Hospital niin, Most Improved Community Health Centre (CHC) chu Thenzawl damdawi-in a ni.

Most Beautiful CHC chu Sakawrdai CHC a ni a, Urban Primary Health Centre (PHC) zingah Most Inspiring Award chu Sazaikawn PHC (Lung­lei District) hlan a ni. Most Beau­tiful Award chu ITI Veng PHC (Aizawl Dis­trict) hnenah hlan a ni bawk.

Kayakalp Award hi kum 2015 aṭanga sorkar laipui hmalaknaa sem ṭan a ni.



Share this Post

Login to comment
No Comments