Puantah hmanga intodelhna tur MLA-in sawipui

Lunglei North bialtu MLA Dr Vanlalṭanpuia chuan, tun hnaia New Delhi-a training-a an kal ṭumin Union minister for Textiles Smriti Irani chu a chenna inah a kâwm a; Mizorama handloom industry hmanga intodelhna tur te, puantah hmanga eizawnna siamsak leh handloom hub siam chungchangte a sawipui.

Dr Vanlalṭanpuia hian Lunglei North bial chhunga Handloom Training Centre tlabal lutuk tawh din ṭhat dan tur te, Haulawng tlangdung leh Pangzawl tlangdung bakah, Mizoram hmun hrang hrangah handloom hmunpui lian leh changtlung tak din dan tur ruahmanna leh rawtna a neihte chu Textiles Minister hian ṭha a lo tihpui a ni.

Union Minister nena an inkawmna kal zelah hian Ministry of Textiles-a develop­ment minister Sanjay Rastogi chuan Dr Van­lalṭanpuia chu telephone hmanga biain, Mizo­ramah handloom industry hmunpui siam tur leh thawhhona nei turin a rang thei ang bera official Mizorama a tirh tur thu a hrilh. 



Share this Post

Login to comment
No Comments