Sericulture department-in Award an dawng

Ministry of Textiles chuan Inrinni khan Vigyan Bhawan, New Delhi-ah National Level Programme Mega Silk vent 'Surging Silk' an buatsaih a; he hunah hian Mizoram Sericulture department chuan 'Best NERTPS Projects Implementing State Award' a dawng. 

Award hi Sericulture secretary Vanlalduhsaka leh director Lalrozama ten Union External Affairs Minister Sushma Swaraj hnen aṭangin an dawng a ni. Sericulture department bakah hian department hnuaia kut hnathawk ṭha - Lalchharliana, Darlung, Lalruatkima, Saitual, Lalhlimpuii, Hmun-hmelṭha leh Zakhuma, Chhingchhipte pawhin lawmman an dawng.

NERTPS hnuaiah hian India hmarchhak state hrang hrangin handloom, handicraft, jute, sericulture, etc.-ah project neiin hma an la a, Mizoram Sericulture department chuan project an kalpui ṭhat avangin lawmman hi an dawng a ni. 



Share this Post

Login to comment
No Comments