CYMA-in lawmthu an sawi

Central YMA chuan thuchhuah siamin, kum 2018 Krismas leh 2019 kum thar lawmna mipuite'n rálmuang taka an hman theihna tura sorkarin zu leh ruihhlo, hâlpuah leh hâlmawi a khapna tihhlawhtlinna atana YMA member, tlawmngaia duty zawng zawngte chungah lawmthu an sawi.

CYMA chuan, YMA, kohhran leh sorkarin nasa taka hma a lak avangin khawlaiah rûi veivak leh buaina siam an tlem tih sawiin, lawmawm an tih thu an tarlang a, "Hâlpuah leh hâlmawi hâl lo tura a ngenna zâwmtute chungah lawmthu kan sawi a, hetih lai hian, hâl lui eng emaw zat an awm erawh chu pawi kan ti. Kum lo kal leh zel turah thuawihna nen phal loh thilte ti lui tawh lo turin kan inbeisei tak meuh a ni," an ti.



Share this Post

Login to comment
No Comments