Dry day pawhsei a ni

Council of Minister nimina CS conference hall-a ṭhukhawm chuan zu zawrh phal lohna ni (dry day) an pawhsei bakah, department hrang hrangin work order a pek chhuah chungchang an ngaihtuah.

Cabinet hian December 21, 2018 aṭanga January 14, 2019 thlenga dry day an lo puan tawh chu an ennawn a, Republic Day leh Chapchar Kut lo awm turah mipuiten thlamuang leh hlim tlang taka hun an hman theihna atan January 15 aṭanga March ni 10 thleng dry day hman chhunzawm nise," an ti.

Meeting agenda zingah hian 'Work order of various department' tih a awm tel a, hemi chungchanga Council of Minister-in thutlukna an siam dan kan hre thei lo.

Lok Sabha in Citizen­ship (Amendment) Bill 2016 a pass chu Cabinet chuan pawi an ti a, "He bill hi Rajya Sabha ah paih tlak a nih ngei nan Mizoram sorkar chuan a theih ang angin hma la se," tiin thutlukna an siam.



Share this Post

Login to comment
No Comments