Tuichawng bial Ajasora-ah vote 87.03% a tla

November 28-a Assembly inthlanpui neih zawh taka EVM leh VVPAT ṭhat loh vanga vote thlak zawh theih lohna, Tuichawng biala Ajasora khuaah chuan December 4, Thawhlehni khan vote thlak ṭhat a ni a, vote 87.03% a tla. 

Ajasora-ah hian voter mipa 543 leh hmeichhia 537, an vaiin mi 1,080 an awm a, vote mipa 445 leh hmeichhia 495, an vaiin mi  940-in vote an thlak. Vote thlak zawh veleh EVM leh VVPAT-te chu Lawngtlai panpui nghal a ni a, nimin zing dar 2:30 khan strong room awmna Lawngtlai College thlenpui a ni. 

EVM leh VVPAT-te chu nimin khan General Observer, Police Observer leh Returning Officer-te'n an endik a, a him tih pawm a nih hnuah strong room-ah dah an ni. 



Share this Post

Login to comment
No Comments