Khelmualah Mamit mipui an pungkhawm

Mizoram inthlanpuia duty tura Mizoram pawn aṭanga police/sipai chahte phurh nan 4th. IR battalion police motor hman tura tih a nih avangin, motor-te dang turin November 6, Thawhlehni zan khan Mamit GSA Playground-ah mipui ṭhahnem tak an pung khawm a; sorkarin thu a sût avangin zan dar 11 pelhah mipui an ṭîn darh.

Mamit aṭanga thu dawn danin, November 6 chhun lam khan state pawn aṭanga sipai chahte phur turin 4th. IR police motor tirhna thupek chhuah a ni a; IR hotute chuan motor pawh kal mai theih turin an peih vek a ni. Hei vang hian YMA sub-headquarters, Mamit chuan motor dang turin zan dar 7 velah Mamit khawpui veng hrang hrangah mipui an au khawm a, mi ṭhahnem tak an pung khawm a ni. 

Zan dar 10 velah mipui an pun­khawmnaah 4th. IR deputy commandant kalin, chhun lama sorkar order chu sût a nih thu a puang a; chuvang chuan zan dar 11 pelhah mipuite chu an ṭîn darh ta a ni.



Share this Post

Login to comment
No Comments