Duty turte dang lo turin ngen

Mizoram Police public relations officer (PRO) chuan thuchhuah siamin, Mizoram inthlanpuia duty tura central armed police force (CAPF) chah luhte hruai luh kawnga harsatna siam lo turin mipui an ngen.

Police thuchhuah chuan, Mizoram MLA inthlanpui neih tur chu tluang tak leh ṭha taka neih a nih theihna turin security force-te state páwn aṭangin chah luh a ngai ṭhin tih sawiin, "Heng force-te kan chah luh ṭhin chhan chu, force kan indaihloh vang leh Election Commission-in kaihhruaina a siam angin CAPF emaw, state armed police (SAP)-te hman an ngaih vang a ni," a ti.

Police PRO-in a tarlan danin, CAPF/SAP-te chu EVM strong room vengtu atan leh counting hall vengtu atan te, expenditure moni­toring team atan leh, critical polling station-a venhimna hna thawk tura hman ṭhin an ni. "Hengte hi election pro­cess-a hman tur liau liau a ni a, an lo luhna tur­ah mipuite'n harsatna siam­sak lo hrâm turin kan ngen tak meuh a ni," an ti. 



Share this Post

Login to comment
No Comments