ECI-in inthlan atan ruahmanna siam

Election Commission of India (ECI) chuan thuchhuah siamin, Mizoram Legislative Assembly pariatna atana inthlan awm tura ruahmanna hrang hrang an siamte an tarlang.

ECI-in ruahmanna a siamte

lElectoral Data & Polling Station: Mizorama district pariatah January 1, 2018 qualifying date-a hmangin Special Summary Revision of Electorals Rolls a kalpui a, Final Electoral Rolls chu September 27, 2018-ah tihchhuah a ni. Voter mi 7,68,181 an awm a, mipa 3,74,496 leh hmeichhia 3,93,685 an ni. District pariata inthlanna tur polling station 1,164 a awm.

lIdentification of Elector: Vote thlak tur rêng rêngin, polling booth-a an nihna tihchian nan Elector's Photo Identity Card (EPIC) an hmang tur a ni a, Aadhaar card pawh additional document atan an hmang thei ang a, chumi baka document hman theihte chu a ṭul dan azirin la inhriattir leh a ni ang.

lLaw & Order and Deployment of Forces: Inthlanna muanawm leh felfai neih a nih theihna atan dan leh thupek kenkawh kawnga mawhphurtute chu a ṭul anga hma la tura tih an ni a, a bik takin, district magistrate leh superintendent of police -te chu ruahhmanna ṭul ang zawng zawng siam tura tih an ni. State police compeny 48 bakah Central Armed Police Force (CAPF) company 40-te'n venhimna hna an thawk dawn. Polling station thlan bik 125-ah webcasting tih a ni ang.

lElection Official: DC-te chu District Election Officer (DEO) an ni a, inthlanna buaipuitu returning officer 29, assistant returning officer 40 ruat an ni tawh.

lElection Observers & Sector Officer: General Observer, Expenditure Observer, Police Observer leh Micro Observers an awm dawn a; anni hian inthlan chungchanga hma lak dan ngun takin an vil ang. Inthlan kalpui dana lungawi lohna leh sawisel duh nei chuan an biala Observer-te an hriattir thei ang. Observer bakah hian sector hrang hrang vil turin Sector Officer 139 ruat a ni.

lConduct of Official: Election Commission of India (ECI) chuan inthlanna buatsaihna kawnga mawhphurtu, police-te tiamin, sorkar hnathawk zawng zawngte chu duhsak bik emaw, hlauhna nei hauh loa a lai thei ang bera hna thawk tura beisei an ni. An zavai hian ECI hnuaia deputation-a kal anga ngaih an ni a, election process a zawh hma chuan commission thuneihna hnuaiah an awm dawn.

lRegistration of Service Voter and ETPBS: A vawi khatna atan Mizoramah service voter-te'n state páwn aṭanga vote rang zawka an thlak theihna atan ECI chuan Electronically Transmitted Postal Ballot System a ruahman.

lFriendly PS for Differently Abled Elector: Rualbanlo/vohbik elector-te tan polling station tinah an vote thlak awlsamna tur special facilitation voting ruahmansak a ni.

lC-VIGIL App: Model Code of Conduct bawhchhiatna thleng ṭhinte hi mipui mimirin complaint an siam zung zung theih nan ECI chuan VIGIL App a duang chhuak. Complaint register a nih hunah unique ID no. pek chhuah hmangin an complaint dinhmun chu a chhui zui thei dawn a ni. c-VIGIL App system-ah complaint a lo luh veleh chu complaint chu District Control Room-ah thawn a ni ang a, chu chu flying squad-te'n dawngin, hma an lo la dawn. An report chu RO-in a lo hmuh hunah a ṭul angin hma an la ang.

lPhoto Voters Slip: Voter-te'n an vote thlakna tur polling station leh electoral roll-a an serial no. ṭheuh an hriat lâwk theih nan official voter slip, an thlalak chuang chu inthlan hma ni 5 chhungin DEO-te'n BLO kaltlangin an sem ang.



Share this Post

Login to comment
No Comments