CFL-ah Bagan an champion

India rama football league ngaihhlut hlawh ber pawl Calcutta Football League-ah Mohun Bagan an champion a, kum 2010 hnua CFL nomawi an chawi lehna hmasak ber a ni.

Mohun Bagan hian match khat chiah khelh tur nei tawh chungin Calcutta Customs chu 2-0 in an hneh a, match khat hmabak la nei mah se an hnuai chiaha awm East Bengal chuan khelh zat in angah point ruk ngawtin an phak lo tawh a, an champion chiang tawh.

CFL-a vawi 39 champion tawh leh season riat chhung a zawna champion tawh East Bengal chu kum 2010 hnuah a vawi khat nan Kolkata champion an ni ta lo a ni.

Mohun Bagan-ah hian Aizawl FC player hlui pahnih Lalchhawnkima leh William Lalnunfela te chu an khel mek.



Share this Post

Login to comment
No Comments