ADC dilna hnûkdâwk turin Bru pawl MBIDM an phût

PRISM party, Operation Mizoram leh Mizoram Chhantu Pawl-te chuan thuchhuah inṭâwm siamin, Mizoram Bru Indigenous Democratic Movement (MBIDM) chu Union Home Minister hnena lehkha an thehluh, Bru-te tana Mizoram khaw­thlang lama autonomous district council (ADC) siamsak tura an dilna chu hnûkdâwk turin an phût.

Pawl pathumte chuan, MBIDM invuahte'n Union Home Minister hnenah Mizorama Bru-te tana ADC an dil chu Mizo ram leh hnam pawi khawihna lian takah an ngaih thu an tarlang a; he thil chungchang hi rang takin sorkarin chháng lêt se an duh thu an sawi.

Pawl pathumte chuan, "Kan ram sahthlak tumna te, kan hnam chanvo min chhuhsak tuma hmalakna a awmte hian rang leh na taka beih let zel hi kan tih turah kan ngai. Hetiang thil a lo thlen tâkah hian, ADC dilna hi MBIDM intite hian an hnûkdâwk a nih loh chuan tuna Tuikuk la let tura hmalakna (repatriation) kal lai hi titawp nghal turin sorkar kan duh a ni," an ti.



Share this Post

Login to comment
No Comments