Congress party-in lawmthu sawi

Congress party chuan thuchhuah siamin, MNF sorkarin damdawi-in ṭha neih duhna tak tak an neih loh avangin Referral Hospital atan sum tam tak hmang tawh siin hospital main building an sa zo thei lo niin an tarlang a; chief minister Lal Thanhawla kaihhruaina hnuaia MIMER leh Tuirial HEP tihpuitlin a ni ta chu lawmawm an tih thu an sawi.

MPCC chuan, "DoNER-in Referal Hospital a hlamzuih mai hlauin cheng vbc. 35.53 lai MNF sorkar kha rawn pe lehin, a vaiin MNF sorkar khan cheng vbc. 76.6 zet an séng chungin hospital an function tir thei lo. Central aṭanga endiktu an rawn kal pawhin damlo der hlawh neia ruaiin an lo muttir a ni," an ti.

Tuirial HEP pawh Congress sorkar hmasaka bul ṭan a nih thu sawiin MPCC chuan, "MNF sorkar khan compensation hmanga pawngsualin an sawp chhia a, khatih laia CM Pu Zoramthanga unaute leh a chhungkhatte'n an hausakpui hle a ni," an ti a; kum 2008-a Congress sorkar a pian leh hnuah CM Lal Thanhawla'n theihtawp a chhuah a, Tuirial HEP chu a hlawhtling ta niin an tarlang.



Share this Post

Login to comment
No Comments