Serchhip bialah Lalduhoma a ding dawn Pu Ṭhena parṭhi awrhtir leh kan tum - Duhoma

Ṭangrual pawl, Zoram Peoples' Movement (ZPM) chief ministerial candidate Lalduhoma chuan kumin Assembly inthlanpuiah Serchhip bialah din a tum thu a sawi a; chief minister hlui Brig. T Sailo chu a thih hnuah parṭhi awrhtir leh an tum thu a sawi bawk.

Nimina Serchhip Venglai YMA Hall-a ZPM Serchhip District Steering Committee buatsaih Workers Meet cum Political Training-ah thu sawiin Lalduhoma chuan, "Pu Ṭhena hi a boral hnu hian thusawi tir zel a, parthi awrhtir kan tum tlat a ni," a ti.

Lalduhoma chuan, MLA inthlanpui awm turah Serchhip constituency-a din a tum thu leh a din chhan a sawi a; Bible cháng, 'Khandaih te, thal te, feite kengin i lo thawk a; kei zawng engkim Lalpa, Israel-te Pathian, i cho hmingin ka lo thawk a ni,' tih chu a innghahna a nih thu a sawi.

ZPM thuchhuah chuan, Serchhipa ding tur hian ZPM CM candidate Lalduhoma chu Serchhip district ZPM block leh unit hrang hrangte’n thuneitu sangah ziakin an dil a, hnial an nih chungin, ding ngei tura duhna a len avangin a ding dawn ta niin a tarlang.

ZPM Serchhip District Workers Meet cum Political Training-ah hian ZPM CM candidate Lalduhoma a tlin ngei theih nan theihtawp chhuah an tum thu te, an dil ang ngeia an CM candidate ding tura phalsak an nih avangin ZPM hruaitute chungah an lawm thu an tarlang a ni.



Share this Post

Login to comment
No Comments