Aizawlah Skills Expo buatsaih a ni

Mizoram Skill Development Society (MSDS) chuan nimin khan Hrangbana College golden hall-ah Mizoram Skills Expo 2013 an buatsaih ṭan a, minister H Liansailova'n a hawng.

H Liansailova chuan, Mizorama Skills Expo buatsaih a ni chu lawmawm a tih thu sawiin, hman ṭangkai tum turin ṭhalaite a chah a, "Ṭhalaite chawi kân leh hnathawh tur zawnna atan he Skills Expo hi a pawimawh a, tun dinhmunah chuan lehkha zir pangngai bakah eizawnna kawnga ṭanpui theitu tur a ni," a ti. MSDS chairman, Haukhum Hauzel-in thu a sawi bawk.

Skills Expo hi Mizo ṭhalai, hna thawh mumal nei lote tan India ram chhung leh páwna hna an thawh theihna tur kawng kawhhmuh leh inzirtirna atana buatsaih a ni a, vawiinah Mizo High School indoor stadium-ah chhunzawm a ni ang.

Mizoram Skills Expo-ah hian Manipal City & Guilds, Apparel Training & Design Centre, Association of Colleges (UK), AVTEG, Bournville College (UK) British Council (UK), Centum Work Skills India, Don Bosco Tech leh XLT Jaypee te an tel a ni.


Share this Post

Login to comment
No Comments