Dâwt hmangin min bei - Zoramthanga

MNF president Zoramthanga chuan, UPC chungchangah thu dik lo hmangin tute'n emaw an beih thu a sawi a, "Ka sawi loh tawp dâwt phuahchawp hmanga min beihna a ni," a ti.

Zoramthanga hian July 9, Thawhṭannia Mizo Hnam Runa inkhawmah thu sawiin, 'MNF-in UPC mi chu candidate-ah siam an tum lo,' tih thuthang a awm chu thu belh­chian dâwl lo a nih thu a sawi a, "Hetiang thu hi tu party tan mah sawi chi a ni lo. MNF hi mipui tam ber leh party dang zawng zawng pawhin sorkar tura an rin ber kan nih avangin kawng chi hrang hrangin dâwt phuahchawp hmangin min bei mek a, dâwt leh thu belhchian dâwl lo hmanga min beihna pawh a la awm zel mai thei," tiin, fimkhur a ngaih tuh a sawi.

MNF President chuan, Congress sorkarin inlei tlin leh ngei tumin sum a hmang nasa hle nia sawiin, "NLUP, NEDP leh contract an sem nasa hle. Party dang leh neutral min pe ve phal lo a, anmahni Congress chhung­kuaah an sem chur chur a. He an thil sem hi anmahni pawh an inchan lo nasa em em a, an party chhung­kua a buai nasat phah hle a ni," a ti bawk.



Share this Post

Login to comment
No Comments