NGO-te tana training hawng

NGOs Training on Basic Disaster Management for YLA & MTP chu nimin aṭang khan State Disaster Response Force Training Centre, CTI Sesawngah ṭan a ni a, DMR minister C Ngunlianchunga'n a hawng.

C Ngunlianchunga chuan training-a telte chu an thil zirte mahni chhungkua leh ṭhenawm khawvengah ṭheuh a tam thei ang bera hmang tura chahin, "Khaw hrang hrang atanga Young Lai Association (YLA) leh Mara Thyutlia Py (MTP) member 60 lai an rawn kal thei hi a lawmawm hle. Mawhphurhna sang tak in koah a awm dawn avangin training chhung chuan tumruhna leh tihtakzetna nena zir ula, chhawrtlaka zir chhuah ngei tum ang che u," a ti.

Thusawitu dang, DMR jt. director H Dolianbuaia chuan trainee-te chu nungchang mawi leh hunbi vawng tlat tur leh thiamna tak haichhuak tura an thil hriatchian lohte chu huai taka trainer-te zawt zel turin a chah.

NGOs Training on Basic Disaster Management for YLA leh MTP hi a batch 9 na an ni a, Lawngtlai district aṭangin YLA member 33 leh Siaha district aṭangin MTP member 27 an tel a, an zingah hian hmeichhia 4 an tel a ni.

Training hi thla khat chhung awh tura ruahman a ni a, module 4-ah ṭhen niin 1st module-ah medical first responder training, 2nd module-ah collapse structure search and rescue, 3rd module-ah equiptment handling, maintenance & rope rescue leh 4th module-ah flood rescue and chemical, biological, radiological and nuclear emergency an zir ang.



Share this Post

Login to comment
No Comments