Mizoram mila family planning kalpui duh

Central YMA chuan World Population Day, July 11 pualin thuchhuah an siam a; kumina World Population Day thupui 'Family Planning is a human right' tih chu thil ṭha tak a nih rualin, Mizoram bikah chuan mihring an la tlem em avangin, Family Planning chu Mizoram mila kalpui ṭha an tih thu a tarlang.

CYMA chuan, Mizoramah mihring nuai 12 vel chauh an la awm laiin, nau piang (birth rate) a tlem a, thi zat (death rate) a sang hle thung tih an sawi a, "India mipui tam tak zawkah pawh mihring punna hi kum tin 2.35% a nih laiin, Mizorama kan punna hi 1.7% vel chauh nia a lan avangin, kan ram leh hnam a lo him zawk nan family planning hi mihring intihtlem nana hmang loin, chhungkaw ngêlnghet din a nih theih nana Mizo mipui zawng zawngte chuan awmze nei a kalpui thiam turin Mizo mipui kan ngen a ni," an ti.

Central YMA chuan, Mizo punna a tam theih nana hmalak ṭul an tih rual­in, Mizo hnam a ṭhan len zel theih nan hriselna lam ngai pawimawh turin Mizo mipui an sáwm bawk.



Share this Post

Login to comment
No Comments