Bru hruai kîr dan tur sawiho

Home department-a joint secretary Lalbiaksangi hoin nimin khan Mamit DC conference hall-ah Tripura relief camp paruka Mizoram Bru-te Mamit district-a hruai kir dan tur sawiho a ni a; Mamit district-ah hian Bru chhungkaw 4,199 dah tura ruahman a ni.

Meeting-ah hian, Bru hruai kîr hna thawhna tur atana inbuatsaihna hrang hrang, venhimna, hriselna leh ṭul dang hrang hrangte sawiho a ni a; venhimna ṭha taka kalpui a nih theih nan Mamit SP leh 4th. IR Commandant-te chu rua­hmanna siam tura tih an ni.

Kanhmunah facilitation centre siam tum a ni a; Zamuang, Mamit leh Kawr­tethawvengah te staging area siam tur a ni. Staging area-a zan khat an riah chhungin ei leh in, tui in tur, inthiarna leh damdawi lamte pek an ni ang.

Meeting-a tarlan danin, Ministry of Home Affairs thu anga Mizoram sorkar, Tripura sorkar leh Mizoram Bru Displaced Peoples Forum ten inremna an siam angin, August 14 aṭanga September 16, 2018 chhungin Tripura refugee camp aṭanga Bru chhungkaw 4,199-te Mamit district-a lâk let hna thawh tura ruahman a ni a; chu'ng mite chu Mamit district-a constituency pathuma khaw 48-ah dah tum a ni.

Bru lak let, Mamit district-a awm turte chu Hachhek bial chhungah chhung­kaw 2,358, Dampa bial chhungah chhung­kaw 432 leh Mamit bial chhungah chhungkaw 1,409 dah tura ruahman a ni.



Share this Post

Login to comment
No Comments