Police-in thing 4,146 phun

Mizoram Police PRO chuan thuchhuah siamin, kumina Green Mizoram Day pualin Mizoram police unit hrang hrangte'n thing ṭiak 4,146 an phun tih a tarlang.

Police thuchhuah chuan, Mizoram police-te'n an huam chhung leh vantlang hmunahte thing an phun zel ṭhin tih sawiin, "Ramngaw, thing leh mau leh nungchate humhalh kawngah nasa taka hmalak zel niin, a venhim kawngah pawh ṭan lak zel a ni a; mipui pawh kan ramngaw leh nungchate humhalh kawngah min pui zel turin kan ngen a ni," a ti.

Green Mizoram Day puala police unit hrang hrangin thing an phun zat chu - 1st. Bn. MAP-in 211, 2nd. Bn. MAP-in 560, 3rd. Bn. MAP-in 530, 1st. IR-in 1,000, 2nd. IR-in 120, 4th. IR-in 410, 5th. IR-in 263, Aizawl DEF-in 206, Lunglei DEF-in 10, Siaha DEF-in 30, Lawngtlai DEF-in 50, Serchhip DEF-in 110, Kolasib DEF-in 192, Champhai DEF-in 108, Mamit DEF-in 10, DIG (NR)-in 25, PTS-in 172, Security-in 62 leh MPRO-in 77 a ni.



Share this Post

Login to comment
No Comments