CYLA-in BSNL pisa an khâr

Central Young Lai Association (YLA) chuan thuchhuah siamin, Lawngtlaia BSNL network chhe lutuk vanga an hmalaknain awmzia a neih loh avang leh BSNL-in network ṭhat loh vanga bill rebate tura agreement an la tihhlawhtlin loh avangin nimin aṭang khan Lawngtlaia BSNL pisa an khârsak thu an tarlang.

BSNL pisa khâr a nih avanga Lawngtlai mipuiin harsatna an tawh tur an hriat thu tarlangin CYLA chuan, "Hei hi Lawngtlai hmasawnna tur a nih avangin dawhthei taka tuar a, min hrethiam turin Lawngtlai mipui kan ngen a ni. BSNL hian Lawngtlai mipui min tham lo hlein kan hria a, chuvangin, a hranpaa chance inpek leh inhriatthiam a tum tawh lo," an ti.

CYLA hian BSNL pisa khâr a nih chhunga harsatna leh buaina nasa zawk a awm lohna turin Lawngtlaia network service provider dang - Airtel, Vodafone, Jio leh Idea-te chu ṭang lehzual turin an ngen a ni.



Share this Post

Login to comment
No Comments