Mizoramin PKVY a kalpui dan enfiah

Ministry of Agriculture & Farmers Welfare aṭanga lo kal Regional Center of Organic Farming, Nagpur-a regional director Dr AS Rajput leh Regional Center of Organic Farming, Imphal-a junior scientist Dr Sachin Kumar Vaid chuan, kum 2015-16 chhunga Mizoram sorkarin Paramparagat Krishi Vikash Yojana (PKVY) (organic farming) a kalpui dan nimin khan Agriculture committee room-ah an enpui.

Mizorama hmalakna enho leh vilzui­na neihah hian Agriculture director J Lalzamliana chuan district hrang hranga PKVY hnuaia hmalak dante a sawifiah a ni.

Dr AS Rajput chuan, scheme hnuaia hna thawh tur hmabak awmte ṭha taka hlen chhuak turin Agriculture officer-te a fuih a; Mizoram chu PKVY scheme hnuaia hna thawk ṭha pawl a nih thu sawiin, nasa leh zuala theihtawp chhuah zel turin a sáwm.

Dr AS Rajput leh Dr Sachin Kumar Vaid te hian ni hnih chhungin Mizoram district tina hmalak dante an enfiah leh dawn a ni.



Share this Post

Login to comment
No Comments