Siaha-ah MYC Youth Summit

Mizoram Youth Commission (MYC) chuan nimin khan MYA Hall, Siahaah  Youth Summit & Road Show an buatsaih a, Mara Auto­nomous District Council (MADC) chief executive member N Zakhai-a'n a hawng.

N Zakhai chuan, Mi­zoram ṭhalaite eizawn­na leh zirna kawng hrang hranga hmasawnna tur programme sorkarin a buatsaih chu ngaithah lo a, chona a ngaia hlâwkpui ngei turin kalkhawmte a chah a, "He programme chhimtute hian a chhim ve lote hnenah an puanzar zel a pawimawh," a ti.

Youth Summit & Road Show-ah hian chhimtu mipuite'n awlsam zawka MYC hmalakna hrang hrang an hriat theih nan stall 16 hawn a ni a, zirlaite hmakhua tur chi hrang hrang pholan a ni bakah, harsatna leh zawhna neihte tan pawh a hmunah chhan nghal zel a ni.



Share this Post

Login to comment
No Comments