Lunglei SP leh MJA-te an inkâwm

Lunglei SP thar C Lalthanmawia chuan May 14, Thawhṭanni khan a pisaah Lunglei district MJA-te a kâwm a; thuthar thehdarhtute'n chanchin hrisel an thehdarh thiam a ṭul thu a sawi.

C Lalthanmawia chuan, police-te'n hna chak zawka an thawh theih nan mipui ṭawi­awmna leh ṭanpuina an mamawh ṭhin thu sawiin, "Police-te chu dan kengkawngtu kan nih angin, dik tak leh fel taka dan kan ken kawh a ngai. Mipuite pawh dan ang taka chet a ṭul a, chu chuan misual chhui leh hrem kawngah nasa takin police-te a pui thei a ni," a ti.

Hmun tinah police indaih lohna a nasa tih sawiin Lunglei SP chuan, "Dan kenkawh chungchangah pawh mipui hnenah media mite pawhin chanchin hrisel leh dik zawk kan thehdarh thiam a ṭul hle," a ti a; social media hman dan mipuiin an zir a ngaih thu a sawi bawk.

Inkawm khawmnaah hian Lunglei district MJA-te hi an president H Lalthansanga'n a ho a ni.



Share this Post

Login to comment
No Comments