Olympic Association an ṭhukhawm

Mizoram State Olym­pic Association (MSOA) Executive Committee chu nimin khan Cabinet Room-ah an chairman, chief minister Lal Thanhawla hoin an ṭhukhawm.

MSOA president Lal Thanhawla chuan sports association hruaitute inpekna zara result ṭha awm ṭhin chu lawmawm a tih thu a sawi. 

Meeting hian kum hmasa lama sport ssocia­tion hmalakna hrang hrangte an thlirho a; kum tina International Olympic Day lawm ṭhin chu kumina Mizorama hman dan tur an ngaihtuah a, June18-22 chhungin kawng hrang hranga hman an rêl.

All Mizoram Karate Association-in MSOA affiliation an dilna an ngaihtuah a, an pawm a, general body meeting-in an pawmpui leh tura chhawp chhuah leh a ni ang.

Heng bakah hian Mizoram State Olympic Association general election neih hun an sawiho bawk. 



Share this Post

Login to comment
No Comments