MYC Youth Summit and Road Show

Mizoram Youth Commission (MYC) chuan, Mizo ṭhalaite'n kawng hrang hranga hma an sawn theih dan tur ngaihtuah turin April 17, Thawhlehni aṭanga May thla tawp thleng district khawpui tinah Youth Summit and Road Show, 2018 an buatsaih dawn.

MYC Youth Summit and Road Show buatsaih tur chungchangah hian Inrinni khan MYC chairman Joseph Lalhimpuia, MLA-in a pisaah thuthar thehdarhtute a kawm a; Summit buatsaih tur chu kawng hrang hranga 

ṭhalaite hmasawn tura infuihna leh inzirtirna tur a nih thu sawiin, "Road show hi thiam bik zirna lama hmasawnna tur thil pawimawh te, zirna kaihhnawih kawng hrang hrang leh hnathawh tur thlenga inkawhhmuh nan ṭangkai taka hman tum a ni," a ti.

MYC Chairman sawi danin, MYC Youth Summit and Road Show, 2018 hi April 17-ah Assembly Annex-ah hawn a ni dawn a, a tukah  chhunzawm tur niin, chumi hnuah district headquarters tinah a indawta neih chhunzawm a ni ang.

Ṭhalaite'n kawng hrang hranga hma an sawn theih nan ṭan lak a nih thu sawiin Joseph Lalhimpuia chuan, "Tun hmaa an la tih ngai loh zirnaa hlawhtling te, UPSC leh sorkar laipui hnuaia competitive exam hrang hranga inziak tlingte hnena Incentive Cash Award pek kan tum thu kan puan chu mi 60 velin an dil tawh. Hemi atan hian cheng nuai 40 vel pek tum mek a ni. Ṭhalai cho phûr turin Young Achiever Award sem tum a ni a, hemi atan hian Chief Minister remtihnain Committee din a ni tawh," a ti.



Share this Post

Login to comment
No Comments