HPC(D) mite an duhna hmuna awm turin chhuah

Hmar People Conven-tion (Democrat) mi 114, nunphung pangngaia lette chu April 13, 2018-a CTI, Sesawnga lawm luh an nih hnuah an inbenbelna tur Rs. 3,00,000 ṭheuh pek an ni a, an duhna hmuna khawsa turin CTI aṭangin chhuahtir leh tawh an ni.

Thu dawn danin HPC (D) mi, ralthuam daha nunphung pangngaia lette hi inremna thuthlunga tarlan angin, an inbenbelna tur sum pek an ni a; chu bakah chuan an ralthuam dah hlut zawng sorkar rate anga chhûtin lawmman pek an ni.

Sorkar aṭanga an thil phût an nawr laia pawi khawihna chi hrang hrang vanga man, jail-a tàntirte chu an tàn chhung hun tihtawisak an ni a; thubuai neite pawh an thubuai tihtawpsak tur a ni bawk.

HPC(D) mi, an ral­thuam nena nunphung pangngaia lette hi Council member mi 12 leh armed cadre mi 102 an ni a, an vaiin mi 114 an ni. 



Share this Post

Login to comment
No Comments